Kush nuk e kujton ministrin “hipi” të financave të Greqisë, në qeverinë e parë Cipras. Janis Varufakis, pedagog ekonomie, radikal i majtë dhe anti-europianist i bindur, dha dorëheqjen muaj më parë, për të shpëtuar marrëdhëniet e kryeministirt të tij me Brukselin.
Tashmë kjo histori ka mbetur pas shpine dhe ai po bën xhiron e botës në konferenca, dalje televizive dhe takime me njerëz të pushtetshëm. Natyrshëm që ai paguhet për këto kontakte pune, si nga organizatat, mediat apo edhe institucionet e vendeve ku shkon. Për shembull, sipas një liste që ai ka botuar vetë së fundi, Varufakis ka marrë 1700 euro për një takim me kryetarin e bashkisë së Barcelonës, 1000 euro për të folur në një konferencë në Moskë, 500 euro për një fjalim në Berlin.
Po ashtu, del se është paguar plot 28 mijë euro për një konferencë ndërkombëtare në Singapor (plus biletën e klasit të parë), si dhe 24 mijë euro për t’u intervistuar në emisionin “Che tempo che fa” të Fabio Fazzios në RAI 3 (fotoja bashkangjitur). Dhe meqë intervista zgjati 22 minuta, Varufakis është paguar më shumë se 1000 euro në minutë. Jo keq për një të “papunë”.
Pergatititi Javanews.al
