Duket se gjasat janë që presidenti ameriakn Donald trump të mbajë premtimin e fushatës dhe të zhvendosë ambasadën në Izrael në jeruzalem, duke e njohur kështu si kryeqytetin e këtij vendi. Por kjo çështje është mjaft e komplikuar pasi pjesa tjetër e qytetit po ashtu, për palestinezët është kryeqyteti i tyre.
Corriere.it shkruan se presidenti Trump ka telefonuar liderin e Autoritetit Palestinez Abu Mazen për në vigjilje të vendimit. Mësohet se Trump e ka njoftuar atë për njohjen e Jerezalemit si kryeqytet të Izraelit, çka do të pasohet edhe me zhvendosjen e ambasadës.
Përgjigja nga lideri palestinez ishte e prerë, ky vendim sipas tij do të sillte “pasoja të rënda në procesin e paqes dhe në sigurinë rajonale”.
Por, duket se ende nuk kemi një vendim përfundimtar pasi Shtëpia e Bardhë po ‘peshon’ pasojat. Ndoshta mund të kemi sërish një shtyrje të vendimit, që është në zbatim të një ligji të miratuar nga SHBA para viteve 2000. Prej vitesh ndiqet e njëjta taktikë ligjore, zbatimi i vendimit shtyhet me dekret presidencial 6-mujor shkruan JavaNews.
Pas telefonatës me liderin palestinez, mësohet se Trump ka biseduar edhe me kryeminsitrin izraelit Netanjahu dhe mbretin e Jordanisë Abdullahu II. Këto telefonata janë interpretuar si moment kur Trump do të firmosë për njohjen e qytetit të shenjtë si kryeqytet i Izraelit. Ndëkorhë aleatët evropianë kanë shprehur kritikat e tyre. Presidenti francez Macron shprehur shqetësimin e tij “mbi mundësinë që Shtetet e Bashkuara të njohin në mënyrë të njëanshme Jeruzalemin si kryeqytetin e Izraelit” duke shtuar se “statusi i Jerusalemit duhet të zgjidhet në kuadrin e negociatave të paqes midis izraelitëve dhe palestinezëve”./JavaNews/a.m.
