E mban fjalen. Kryeministri italian, Matteo Renzi ka dhënë dorëheqje pas disfatës së thellë në një referendum për planet e tij në reformën kushtetuese.Në një konferencë në orët e vona, ai tha se merr përgjegjësinë për rezultatin. Ai tha se kampi “Jo” duhet tani të dali me propozime të qarta.
Shkurtimisht, ndryshimet e propozuara kanë përfshirë reduktimin e pushtetit të Senatit – nga 315 anëtarë sa janë aktualisht në 100 – si dhe zvogëlimin e kompetencave të autoriteteve rajonale, transmeton Koha.net.
“Paçim fat të gjithë”, ka thënë Renzi para gazetarëve. Ai tha se njoftimin për dorëheqje do ta japi të hënën gjatë mbledhjes së kabinetit pas dy vjet e gjysmë qëndrimi në zyrë.
Kryeministri i Italisë, Matteo Renzi, ka pësuar një humbje të rëndë në një referendum për planin e tij për të reformuar kushtetutën e vendit, tregojnë anketat e para pas mbylljes së vendvotimeve.
Sipas një ‘exit polli’ në televizionit italian RAI, ndërmjet 42 dhe 46 për qind e votuesve kanë mbështetur reformën e Renzit, kurse atë e kanë kundërshtuar ndërmjet 54 dhe 58 për qind e votuesve, transmeton Gazeta Express.Referendumi ishte cilësuar si barometër i ndjenjave anti-sistem në Evropë. (b.an)
