Ka dhënë dorëheqje Paul Manafort, menaxheri i fushatës së kandidatit republikan për president të SHBA-ve, Donald Trump. Vendimi është marë si pjesë e ndryshimeve të mëdha që janë bërë këtyre ditëve në ekipin e Donald Trump ku jo pak persona me peshë janë ndryshuar. Manaforti së fundi gjithashtu është akuzuar se ka punuar me ish partinë qeveritare të Ukrainës e cila ishte pro ruse.
Ndërkohë autoritetet ukrainase kanë publikuar fragmente nga libra sekret të kontabilitetit të partisë së ish presidentit pro rus ukrainas, Viktor Janukoviç ku dëshmohet se mbi 12.7 milionë dollarë janë paguar ilegalisht për Paul Manafort.
Pagesat ilegale janë bërë në periudhën në mes të 20 nëntorit 2007 dhe 5 tetorit 2012, kohë kjo kur Manafort ka punuar për Partinë e Rajoneve në Kiev. Viktor Janukoviç është arratisur në Rusi në vitin 2014 pasi është larguar nga pushteti me protesta pas vendimit që të ndërpresë një bashkëpunim me BE dhe të nis bashkëpunim më të afërt me Moskën.
