Një grabitje si nëpër filma ka ndodhur mbrëmjen e kaluar në në një banesë në Fushë-Milot, ku autorët kanë marrë 300 mijë euro.
Ngjarja ka ndodhur në banesën e Taf Shabani. Në momentin e grabitjes në banesë ka qenë vetëm e zonja e shtëpisë.
Autorët i janë prezantuar kësaj të fundit si policë nga Tirana me pretedimim se duhet të bëjnë kontroll, pasi djali i saj është arratisur nga burgu.
E moshuara tregon për Abc News se si ndodhi ngjarja.
“Erdhën të tre dhe isha duke bërë një byrek si plakat më.
Ku e ke djalin? Hyni njëri, jemi prej Tirane tha, të ka dalë djali prej burgu, ku e ke fut, e ke këtu?
Tre persona pashë unë që këtu, pastaj s’më lanë më me lujt më.
Pastaj më morën mua, më futën nëpër dhoma dhe më thonin ku e ke fut djalin.
I thashë për Zotin djali është në burg.
Jo thanë, djali ka ik, ku e ke fut? Ku e ke strehuar?
Pastaj mbrapa hynë duke kërkuar andej, ku i ke armët më thonin, se ka djali armë?
Nuk e di i thashë ne jemi gra, i mbajnë burrat armët nuk i mbajnë ne.
Ne kujtum se ishte policia, ata kishin qenë t’u vjedh.
Sharruan lekët që kanë qenë atje mrena në kasafortë.
Kanë marrë edhe plaçkat e nuses. Kasafortën e kanë hequr prej muri dhe e kanë marrë.
Kanë marrë lektë e tokës or djalë, kanë dit sikur janë lekë dhe i kanë marrë të gjitha, i kanë bërë grumbull dhe i kanë marrë me vete”, tha zonja e shtëpisë.
Ndërsa Taf Shabani, i zoti i shtëpisë, tregon se vlera e parave të grabitura është mbi 300 mijë euro.
“300 e ca mijë euro. Kanë që në ‘90 kalamajt në Itali”, tha ai.
