Me uljen e temperaturave shtohen dhe rastet e pacientëve nëpër spitale. Sëmundjet si gripi dhe llojet e ndryshme të viruseve qarkullojnë në vendin tonë duke shkaktuar komplikacione në rrugët e frymëmarrjes. Në programin “Rudina” në një lidhje direkte ishte Drejtor i Përgjithshëm i Qendrës Kombëtare të Urgjencës Mjekësore, Skënder Brataj.
Për publikun ai tha se në vendin tonë qarkullojnë viruset e gripit të tipit A dhe B, Covid 19 dhe RSV-ja. Sa i përket numri të pacientëve ai tha se ka pasur një rritje të personave të infektuar nga java e parë në javën e dytë të muajit Janar.
“Jemi pikërisht në sezonin tipik të gripit ose në sezonin e virozëve të cilat predominojnë nga Dhjetori në Mars. Këto viruse janë tipike të kohës së ftohtë. Kanë një mbijetesë më të mirë sepse durojnë shumë të ftohtin dhe sidomos mungesën e lagështirës në ajër. Për të gjitha këto arsye në këtë periudhë paraqitet në popullsi numri i këtyre viruseve. Sigurisht që ka predominim të njërit ose të tjetrit dhe në këtë edhe në Shqipëri kemi predominim të virusit të gripit të tipit A dhe B kemi po ashtu Covid, kemi po ashtu dhe RSV-në. Kuptohet që sëmundshmëria është në pjesën më të madhe në forma shumë të lehta ose të lehta. Për vetë përqindjen dhe këto sëmundje kanë pasojat e tyre s i përket komplikancave. Java e parë e 2025-ës ka qenë me 17 mijë të infektuar që janë vërtetuar që janë infektuar nga gripi, por nuk janë të gjithë të sëmurë. Ndërsa java e dytë ka qenë me një rritje nga 17 në 19 mijë. Ajo që vihet re është dhe RSV-ja që është në rritje në këtë moment dhe sëmundjet respiratore”, tha ai.
Brataj shtoi se situata nuk është alarmante, por nga an tjetër duhet pasur kujdes për infektimin dhe përhapjen e këtyre virozëve.
