E përlotur përpara bustit të të atit, Azem Hajdarit, Rudina, tashme deputete ne Kuvend, ka mbajtur një fjalim të shkurtër me rastin e 19 vjetorit të ndarjes nga jeta të një prej ish themeluesve të PD-së.
Si për koincidencë, ajo sot do të mbajë një fjalim në Parlament ku garantoi se do të mbrojë interesat e atyre që ndihen të pa përfaqësuar si dhe bëri thirrje gjitha demokratëve për të qenë sa më të bashkuar për një parti siç edhe i ati i saj donte dikur.
“Sot bëhen 19 vite…Ne prapë jemi të bashkuar për të ngritur lart figurën dhe vlerat morale që ai solli në këtë vend. Ne jemi të bashkuar për të cuar PD përpara dhe të tregojmë që ne meritojmë një Shqipëri më të mirë.
Unë sot do flas në Kuvend si deputete e PD dhe do flas në këtë ditë, ku kjo ishte një koincidencë por besoj dhe dëshirë e atij. Ju siguroj që do jem një zë i fortë i shqiptarëve. Do mbroj interesat e kombit tim. Të bashkohemi sot më shumë sesa kurrë për të ecur përpara dhe për ta bashkuar Shqipërinë më shumë sesa kurrë. /b.d
