Ajo që do të jetë kulla më e lartë e botës, “Jeddah” në Arabinë Saudite, po i afrohet fundit. Kur të hapet në vitin 2020, sigurisht do ta lërë në hije strukturën ikonë të Dubait, “Burj Khalifa”, duke e rrëzuar nga froni i qiellgërvishtëses më të lartë të globit, pasi do ta kalojë me gati 80 metra.
Kostoja totale e ndërtimit llogaritet në 1.4 miliardë dollarë. Kulla do të jetë xhevahiri i kurorës së qytetit ekonomik Jeddah, një projekt tregtar dhe rezidencial mbi një sipërfaqe gjigante toke, që përfshin shtëpi, hotele e zyra, si dhe atraksione të shumta turistike, transmeton tch.
Puna për realizimin e planit ambicioz, megjithatë nuk ka shkuar vaj. Ka pasur disa vonesa që kur rindërtimi nisi në vitin 2013. Prej nëntorit të 2017-s, dy prej mbështetësve më të zëshëm të projektit; Princi Al-Waleed bin Talal i Arabisë Saudite, një investitor dhe një biznesmen i pangopur, dhe Bakr Bin Laden, kryetar i kompanisë ndërtimore “Bin Laden” të kullave në Jeddah; janë përfshirë nga dallga e përpjekjeve antikorrupsion në Mbretërinë e Gjirit Persik, ku me qindra vetë kanë përfunduar nën akuza për korrupsion.
Kompania ekonomike e Jeddah, sipërmarrësi pas qiellgërvishtëses, konfirmoi megjithatë për CNN-in se projekti do të përfundojë deri në vitin 2020, siç është planifikuar, përgatiti Koha. (b.an)
