Një shqiptar në Swindon, Angli, është arrestuar, pasi ka kërcënuar me jetë gruan, duke i thënë se do t’i çante zemrën me thikë. Atij nuk i pëlqente sjellja e së shoqes dhe i ka thënë se ishte bërë “shumë angleze”, pasi ajo refuzoi t’i bindej.
Behar Kasemi, nga Kosova, pasi është arrestuar për dhunë në familje, ka dëshmuar në polici se gruaja në vendin e tij “duhet t’i bindet burrit dhe të kujdeset për fëmijët”.
Autoritetet angleze ia kanë ndaluar që të kthehet në shtëpi me bashkëshorten.
Oficeri i policisë që mori në pyetje Kasemin thotë se ai ishte shumë agresiv, teksa e përshkroi si “shumë angleze” të shoqen.
Kasemi ka bërë edhe gjeste tjera të pahijshme brenda sallës së gjyqit, ku ka pështyrë gjykatësin.
