Pedagogia dhe politikania Nora Malaj është intelektuale që ka spikatur në diskurset publike. Ka sjellë studime dhe artikuj të ndryshëm. Është angazhuar dhe politikisht duke dhënë një kontribut të madh në pozicione të ndryshme.
Në emisionin “Jeto me Orën” Nora Malaj tregoi copëza historie nga fëmijëria e saj.
Një e tillë ishte ajo me biznesmenin Gjergj Luca të cilin familja e kishte dërguar në kurs pianoje por ai nuk shkonte. Faktin që nuk shkonte nuk donte që ta merrnin vesh familja ndaj ai i ka shkulur bishtalecat Norës dhe i ka thënë të mos i tregojë askujt.
Nora Malaj: Kam lindur më 29 nëntor 1964, ora 10, ditën e diel dhe ka qenë parada. Babai im kalonte në paradë si gjithë ushtarakët e karrierës. Burri i hallës ma ka vënë emrin, si Nora e Kelmendit. Jemi rritur në pallatet “1 Maj”. Unë me Gjergj Lucën kemi kaluar fëmijëri shumë të bukur. Gjergji nuk e donte pianon . Unë i kisha flokët bishtaleca dhe Gjergji mi shkulte dhe më thoshte mos trego se nuk kam ardhur në piano.
Bëjnë një mbledhje dhe më thanë si nuk na ke treguar të vërtetën? Unë kisha ulur kokën. Ai tha që nuk ka faj Nora se unë i kam kërkuar dhe ajo më është betuar se nuk do të tregonte. Luanim shtëpiash, kemi pasur dhe një fqinj që nuk kishte fëmijë, por kishte njw fëmijw të birësuar gjithmonë më thoshte ‘je ilaçi i nënë Leftës’. Më thoshte gjithmonë çfarë do të më sjellësh në ambasadë dhe unë i thoja kafe.
Ajo thotë se asgjë nuk është e thjeshtë në jetë.
Nora Malaj: Njeriu është si puna e llastikut ka forcën e tërheqjes por dhe të kthimit në vend. Të kesh elasticitet do të thotë të dish si të ruash fjalën. Nuk është e thjeshtë, është e vështirë se jetojmë në shoqëri ku tranzicioni e ka lodhur këtë popull. Luftëtari është gjithmonë vetëm por ti kauzën tënde nuk mund ta zgjidhësh asnjëherë vetëm./m.j
