Qeveria japoneze miratoi sot një nivel rekord të shpenzimeve për mbrojtjen në buxhetin e vitit të ardhshëm, njoftoi mediat lokale, mes frikës ndaj Koresë së Veriut dhe fuqisë ushtarake kineze.
Një projektbuxhet prej 47 miliardë dollarësh u miratua për vitin fiskal që fillon më 1 prill, për të financuar shpenzimet e shtuara në një sistem mbrojtës kundër raketave dhe blerjen e avionëve luftarakë amerikanë.
Qeveria konservatore e kryeministrit Shinzo Abe gjithashtu po planifikon të modifikojë një anije që transporton helikopterë për ta bërë atë të përshtatshme për avionë luftarakë.
Japonia ka rritur shpenzimet e mbrojtjes, pasi ajo synon të përballojë fuqinë ushtarake në rritje të Kinës dhe kërcënimet nga programet e raketave bërthamore dhe balistike të Koresë së Veriut.
Parlamenti, në të cilin qeveria ka një shumicë, është vendosur të votojë për buxhetin në muajin janar.
/a.rada
