Adnan Januzaj ka rilindur pas transferimit te Real Sociedad në Spanjë.
Paraqitjet e tij të mira i kanë shërbyer që të jetë pjesë e kombëtares belge në kampionatin botëror.
Në ndeshjen ndaj Anglisë ai bëri një ndeshje tepër të mirë duke realizuar edhe golin e fitores, një gol spektakolar.
Tashmë, pas paraqitjeve të tij mbresëlënëse, tifozët e Manchester United kërkojnë rikthimin e Januzajt në ishull.
Në rrjetet sociale janë përhapur qindra mesazhe ku kërkohet që ekipi të aktivizojë klauzolën e riblerjes së talentit me origjinë shqiptare.
Sociedad mund ta blejë për 9.8 milionë paundë kartonin e Januzaj, por United ka të drejtë ta rikthejë në Old Trafford sipas një klauzole të vendosur./a.m.
