Avokati i njohur Spartak Ngjela ka deklaruar se Struktura e Posaçme Anti Korrupsion nuk mund të ndikohet nga asnjë deklaratë e bërë nga shqiptarët.
Ngjela tha se politikanët e korruptuar shqiptarë janë hetuar nga ndërkombëtarët për pasuritë e tyre në parajsa fiskale. Sipas tij, nëse tregu shqiptar nuk do të ishte goditur nga korrupsioni, paga minimale në vend do të ishte 1 mijë euro.
“Janë me vila, të korruptuar e dinë të gjithë, janë të investiguar nga të huajt. Kur do veprojë SPAK? Nuk hyn dot njeri në SPAK, asnjë albanez nuk hyn dot në SPAK, ndërkombëtar po. Te SPAK bëj gjyqe unë, ik shikojini se janë ekspertë amerikanë, janë nëpër koridora.
Ç’punë ka Rama, Rama flet kot. Rroga minimale sot në Shqipëri do ishte 1 mijë euro, ka patur korrupsion 25 vitet e fundit. 1 mijë euro do ishte rroga minimale po të mos ishte goditur tregu nga korrupsioni”, u shpreh Ngjela në “News24”.
Sipas avokat Ngjelës, SPAK ka goditur vetëm nga ana e mazhorancës dhe kjo shpjegohet nga doktrina e vendosur nga Napolon Bonaparti tha ai, të cilën e dinë prokurorët, pasi përndryshe opinioni do mendonte se goditja e drejtësisë ndaj opozitës do ishte e ndikuar nga mazhoranca.
“SPAK ka goditur vetëm majtas. Se është kjo, problemi është që doktrina e së drejtës e goditjes penale në raste të tilla fillon nga pushteti.
Se do e gjykojnë që është e pavarur, goditja vjen nga organe të pavarura, nuk mund të vijë nga opozita se do thoshin është hakmarrja e mazhorancës kundër opozitës e kjo është doktrinë e ka origjinën nga Nonaparti.
Bonaparti mori pushtetin, goditi korrupsionin e terrorizmin, por i ra majtas, ishte vetë i majtë, fisnikëria u gëzua pastaj shkoi djathtas.
Majtas do kalojë se ata që po drejtojnë e dinë këtë gjë, tani vijmë te goditja majtas, do venë ministria, ish kryeministra nuk e di sa do venë majtas, atë e dinë ata. Opozita nuk po flet, po kur të vijë ca do thonë? Kur të vija radha këtej? Që na e bën Rama?
Rama ka një rast i cili tenton godet te e vërteta kur tha ne nuk mbajmë pëgjegjësi, nuk mbrojmë asnjë nga ata që kap SPAK”, tha Ngjela.
g.kosovari
