Pak javë më parë Fero bëri me dije se do të largohej nga muzika për t’iu përkushtuar familjes dhe fesë islame. Megjithatë, kjo nuk do të thotë se mes tij e Arbenitës do të ketë një ribashkim, të paktën së shpejti.
Në një postim në InstaStory, Fero është shprehur se “nuk kanë asnjë raport”.
“Unë jam një mysliman tani dhe nuk kam asnjë lidhje me atë çfarë bën ish-gruaja ime. Ne kemi secili jetët tona me respekt për njëri-tjetrin sepse kemi një vajzë, por unë sot jam një mysliman dhe nuk kam asnjë raport me të. Ajo zgjodhi jetën e saj”.
Ish-çifti është përfolur për divorc dhe nisur nga deklarata e Feros, i cili e ka quajtur Arbenitën “ish-grua” duket se është finalizuar.
Disa ditë më parë Fero postoi një foto ku thuhej se feja islame nuk e lejon gruan të ndalojë burrin e saj për të marrë një bashkëshorte të dytë. Në një postim tjetër ai shkroi se ka ndryshuar emrin dhe tani quhet Khattab (orator, folës).
