Përmes një statusi në Facebook, Dritan Hila, shkruan mbrëmjen e djeshme se ka marrë kërcënime telefonike nga kreu i Emergjencave Civile.
Në statusin e tij, Hila shprehet se “në orën 15.35 më telefonon numri 0696067755. Në krahun tjetër më prezantohet një person me emrin Shemsi Prençi”.
Gazetari shkruan se shkak është bërë një statusi në profilin e tij personal, ku ai shkruante për përmbytjet në Greqi dhe ku ironizonte personin që Shqipëria ka në drejtim të Emergjencave.
“Po më përmende prapë, të tërheq zvarrë mor zagar. Jam malësor dhe po e zgjate prapë me mua do ta vazhdoj personalisht” – kanë qenë fjalët e Prençit, sipas Hilës.
Ndërkohë, Dritan Hila shprehet se kjo nuk është hera e parë që kërcënohet nga emra të njohur për shkak të shkrimeve të tij. /JavaNews/b.d
