Një i ri i cili shkoi në Kështjellën Windsor i armatosur dhe i tha një oficeri: “Unë jam këtu për të vrarë Mbretëreshën”, është deklaruar fajtor sipas “Aktit të Tradhtisë”.
Jaswant Singh Chail, nga Hampshire, u arrestua në ditën e Krishtlindjes në vitin 2021, kur monarkja e ndjerë jetonte në Windsor për shkak të pandemisë Covid.
Në Old Bailey më herët, Chail, 21 vjeç, u deklarua fajtor për tre akuza. Ai është personi i parë në Mbretërinë e Bashkuar që dënohet për tradhti që nga viti 1981.
Chail, nga North Baddesley, gjithashtu pranoi se kishte kërcënuar me vrasje dhe arma e tij ishte e mbushur kur shkoi në Kështjellë.
Ai kishte veshur një kapuç dhe një maskë dhe kur oficeri e pyeti se nëse mund ta ndihmonte Chail u përgjigj: “Unë jam këtu për të vrarë Mbretëreshën”.
Oficeri i mbrojtjes i tha menjëherë Chail të lëshonte armën, të ulej në gjunjë dhe të vinte duart në kokë.
Në një video të postuar në Snapchat disa minuta para se të hynte në Kështjellë, Chail tha: “Më falni, më falni për atë që kam bërë dhe atë që do të bëj. Do të tentoj të vras Elizabeth, Mbretëreshën e Familjes Mbretërore.
Kjo është hakmarrje për ata që kanë vdekur në masakrën e Jallianwala Bagh të vitit 1919. Është gjithashtu hakmarrje për ata që janë vrarë, poshtëruar dhe diskriminuar për shkak të racës së tyre.”
Masakra e Jallianwala Bagh ndodhi kur trupat britanike hapën zjarr mbi mijëra njerëz që ishin mbledhur në qytetin Amritsar në Indi.
/e.d
