Presidenti i Kosovës, Hashim Thaçi ka deklaruar së fundmi se mezi pret që të largohet nga skena politike. Në një intervistë për “Rubikon” ai është shprehur se është i “ngopur” me pushtet. Ndër të tjera Thaçi tha se po e pret me padurim shkurtin, kur edhe do ti përfundojë mandati.
“Nëse dikush është i ngopur me kompetenca në këto 20 vjet, jam unë i ngopur në Kosovë. Dhe i njoh kompetencat edhe të ekzekutivit edhe të Presidencës, dhe e bëjë shumë qartë atë dallim të kompetencave. Unë jam munduar të jem i sinqertë, korrekt dhe i drejtpërdrejtë me qytetarët. Nuk e di cilit lider do ti ndodhë ajo që mua më ka ndodhur që pas dy vitesh qeverisje të vlerësohem më tepër se kur kam nisur qeverisjen, pra më 2014. Tash e 6 vjet unë nuk jam më kryeministër. Secili ka të arriturat e veta dhe unë i vlerësoj. Kosova ka një traditë demokratike, të funksionimit të institucioneve. Uroj që secili të ketë suksese në prioritetet që ka”, u shpreh Thaçi.
Ndërkohë, Hashim Thaçi ka bërë një tjetër deklaratë të fortë, pasi ka deklaruar se nëse ia kërkon Gjykata Kushtetuese ai është gati që të japë dorëheqjen. Thaçi u shpreh se nëse Gjykata Kushtetuese vendosë në favor të Lëvizjes Vetëvendosje, ai do të mbajë përgjegjësi për dorëzimin e dekretit për mandatimin e Hotit.
g.kosovari
Nuk te therrasin me hashim, por pershesh se jo vetem qe eshte kuptimi emrit tend ne gjuhen shqipe,po ti I ke bere punet e Kosoves pershesh dhe ato performanca te pa perseritura gjate luftes ne kosove i zhvlersove vet,se brenda teje veç dashurise per token e popullin tend u rrit makuteria per PPP (Pushtet-Pasuri-Para) dhe ky pershesh ty e bashkluftetareve te tu ua nxorri krejt bojen dhe si pershesh qe u bete ne shesh e mexhlis,as pulat e ngrata nuk ju qokin ma. Skan faj te ngratat pula se jini bere pershesh i pagreneshem dhe jini duke ikur per leshin e PPP. JU KOFT RRUGA HAJMALI…..SIÇ E KINI XANE PA PERJASHTIM!