“Jam i ISIS”, ka thirrur shqiptari duke shtuar: “Do ju vras të gjithëve!”.
Këto thirrje e kanë dërguar të riun shqiptar në qelitë e burgut italian. Policia e qytetit të Riminit ka arrestuar një 21-vjeçar shqiptar rezident në këtë provincë me akuzën e propagandës së ISIS e rezistencë ndaj forcave të rendit.
21-vjeçari shqiptar është ndaluar në banesën e një miku të tij, i cili ishte me masë siguri arrest shtëpie. Kërkesës së forcave italiane të rendit për t’i kontrolluar dokumentet, 21-vjeçari shqiptar i është përgjigjur duke shtrënguar në duar një medaljon të shkruar në gjuhën arabe e me thirrje që himnizonin propagandën e ISIS.
“Jam i ISIS”, ka thirrur shqiptari duke shtuar: “Do ju vras të gjithëve!”. Pas kësaj i riu shqiptar duke përdorur një çelës anglez i është kundërvënë policëve italianë, duke plagosur lehtë njërin prej tyre, shkruan noa. Ndaj shtetasit shqiptar është lëshuar urdhri i arrestit me burg deri në pritje të procesit gjyqësor, i cili do të zhvillohet më datë 28 shtator 2016.
