Albert Bunjaki, selektori i Kosovës, pret që Kosovës t’i bashkohen edhe disa yje për ndeshjet e radhës.
Në ekipin e Kosovës, në ndeshjen historike ndaj Finalndës, u paraqitën disa yje, të cilët e bënë diferencën ndaj Finlandës në ndeshjen debutuese në eliminatoret për Botërorin e Rusisë.
Mirëpo, përzgjedhësi Albert Bunjaki insiston se përfaqësuesja e Kosovës nuk është kompletuar ende, duke paralajmëruar përforcime tjera.
“Ndaj Finlandës na kanë munguar disa lojtarë si Loret Sadiku, Elbasan Rashani, Arbër Zeneli, por edhe Besart Berisha. Gjithashtu, jemi duke i pritur edhe dy lojtarë të rinj, të cilët luajnë si mbrojtës të krahut, e që do ta rrisin konkurrencën, por e presim edhe një portier”, deklaroi për Zërin, trajneri kosovar.
Kurse, Bunjaki nuk e përjashtoi mundësinë që edhe Përparim Hetemaj t’i bashkohet Përfaqësueses së Kosovës./a.m.
