Ecën mjaft ngadalë identifikimi i trupave të vdekur në sulmet e Brukselilt. Shumë trupa të djegur dhe gjymtuar në morg, ende të paidentifikuar.
Ndërkohë dëshmitarët rrëfejnë skena pikëlluese: Një person që ndjek vajzat e vogla binjake që vrapojnë, ndërsa një grua qëndron pranë check-in dhe papritur hidhet në erë.
Një nën pret me bashkëshortin dhe vajzat të nisen për Neë York. Binjaket, luajnë, vrapojnë, largohen dhe ndiqen nga babai, dhe në atë moment kamikazi i parë shpërthen pak metra larg gruas, e mbetur vetëm prej pak çastesh.
Kështu vdiq peruanja 36-vjeçare Adelma Marina Tapie Ruiz, një prej viktimave të para të shpërthimit në aeroportin e Zaventem. Por, ato pak çaste dhe pak metra largësi shpëtuan familjen e saj, bashkëshortin dhe dy vajzat, edhe pse njëra prej tyre u plagos në krah.
E martuar me një belg, Adelma e kishte ndjekur bashkëshortin në Bruksel 9 vite më parë me ëndrrën për të përmbushur studimet e saj në kulinari dhe për të ngritur një aktivitet të sajin. Por kjo ëndërr u pre në mes për gruan 36-vjeçare. Trupi i saj ishte i pari i identifikuar i vdekur së bashku me izraelitin Yossef Haïm ben Haya Sarah Gittel që do të merrte të njëjtin avion.
Ndërkohë vijon mjaft ngadalë identifikimi i trupave sipas autoriteteve belge, deri tani janë 31. Identifikimi vështirësohet së tepërmi pasi shumë prej trupave janë të dëmtuar mjaft rëndë nga shpërthimet.
