Galaxy Note 7 thuhet se po kalon nëpër disa ndryshime të mëdha nga brezi i mëparshëm. Së pari emri, në bazë të thashethemeve, Galaxy Note i ardhshëm do të kalojë numrin 6 dhe të quhet Galaxy Note 7.
Në lidhje me ekranin thuhet se do të jetë i lakuar dhe se do të mund të shkruhet mbi të me anë të një lapsi të veçantë (S-pen).
Së fundi, kemi dëgjuar për mundësinë e një sensori shtesë, atë të syrit, i cili ka ardhur përmes një softueri që është akoma në fazën e testimit. Duket se skaneri i syrit do të jetë i pranishëm te Galaxy Note 7 me të vërtetë, pasi prodhuesi korean Patron thuhet se ka fituar një tender për furnizimin e të gjithë këtyre sensorëve.
Patron e fitoi tenderin muaj më parë, por informacioni bëhet i ditur vetëm tani. Ajo do të jetë kompania zhvilluese e vetme për këto module biometrike, të cilat duket se do të jenë të vendosura rreth kamerës së përparme të Note 7.
Galaxy Note7 thuhet se do të prezantohet në një ngjarje të veçantë, më 2 gusht në Nju Jork./ krokodili.al/ a.k
