Fjalimi i Zidane drejtuar lojtarëve në stërvitje një ditë para finales, është duke u komentuar shumë nga gjitha mediat botërore.
Real Madridi e fitoi Ligën e Kampionëve duke e mposhtur në finale 4:1 Juventusin, që duket se lojtarët ishin motivuar shumë një ditë para finales së kësaj gare.
“Për mua më e rëndësishmja është që sot jemi këtu, jo finalja e nesërme. Por që sot jemi këtu. Unë jam i lumtur me atë që keni bërë gjatë gjithë sezonit”, ishin disa nga fjalë në fjalimin disa muntësh të Zidane, një ditë para finales së Ligës së Kampionëve.
Në Spanjë kjo video është bërë hit, që po cilësohet si çelësi i suksesit të Real Madridit.
Reali u bë skuadra e parë në histori që e fiton Ligën e Kampionëve dy herë me radhë që kur është ndërruar formati.
Fitorja prej 4:1 ndaj Juventusit, ia siguroi Real Madridit titullin e 12’të në histori, pesë më shumë se ndjekësi më i afër, Milani.
Reali do të luajë sërish në Superkupën spanjolle, Superkupën e Evropës dhe Botërorin për Klube në dhjetor të këtij viti, duke rritur gjasa që të fitojë edhe më shumë trofe, përgatiti ”Gazeta Express”. (b.an)
