Ka qenë një operacion i organizuar dhe ekzekutuar në mënyrën më të mirë të mundshme, që edhe Hollivudi do ta kishte zili. Bëhet fjalë për sulmin që i mori jetën Xhon Xhihadistit, kasapit të ISIS.
Britanikja “Mail on Sunday” ka siguruar informacione sekrete ku flitet për sulmin e kryer që çoi në eleminimin e Xhihadistit Xhon.
Për eleminimin e tij ndërhynë tre dronë. Helikopterë të vegjël 90 centimetra të gjatë dhe peshë 400 gramë.
Ata gjetën strofkën e Xhihadistit Xhon, njohur ndryshe se Mohamed Emwazi.
Operacioni u ndoq nga 8 anëtarë të SAS, forcave speciale elitare britanike. Makina e tij me atë brenda u shkrumbua pas goditjes me predhë. Xhihadisti Xhon u bë i njohur pasi priste kokat e pengjeve të ISIS, por ishte i maskuar. Por ai u fsheh pasi dolën disa foto të fytyrës së tij dhe iu zbulua identiteti
