Sistemi i votave të Eurovisionit thekson se 50% e votave i takon publikut kurse 50% jurisë profesionale të secilit shtet.
Dhe, në bazë të rezultateve të publikuara ku janë ndarë vetëm votat e publikut, duket se Shqipëria është “dëmtuar” mjaft nga juritë profesionale.
Në rast se do të merreshin parasysh vetëm votat e publikut, siç ka ndodhur në të kaluarën, Shqipëria do të radhitej e nënta me 93 pikë.
Diaspora shqiptare ka votuar mjaft, gjë që dëshmohet edhe me pikët e fituara nga Shqipëria.
6 pikë Shqipëria ka fituar nga Austria, 8 nga Belgjika, 1 nga Çekia, 12 nga Maqedonia, 5 nga Gjermania, 10 nga Greqia, 12 nga Italia, 10 nga Mali i Zi, 5 nga Serbia, 7 nga Sllovenia, 5 nga Suedia dhe 12 nga Zvicra.
