Norvegjia vlerësohet një ndër vendet me standardin më të lartë të jetesës dhe të mirëqenines në botë. Vendi skandinav shkon deri aty, se mendon për brezat e ardhshëm.
Fondi Sovran i Norvegjisë, i njohur edhe si Fondi i Naftës, arriti të premten në 10 trilionë croëns norvegjezë (ose 1.09 trilion dollarë), duke vendosur një rekord historik.
Ky fond është gati 300 herë më i lartë se buxheti i shtetit shqiptar.
Rritja erdhi si rezultat i rritjes së stoqeve globale dhe forcimit të euros dhe dollarit.
I krijuar në vitet 1990 për të shfrytëzuar të ardhurat që vijnë nga nafta, Fondi Norvegjez është më i madhi i këtij lloji në botë.
“Kur fondi u krijua, askush nuk mendonte se do të kalonte 10,000 miliardë croëns. Ishim me fat që zbuluam naftë. Kthimi në investimet në tregjet globale financiare ka qenë aq i madh sa që mund të krahasohet sikur të kishim zbuluar naftë përsëri”, ka deklaruar Yngve Slyngstad, shef ekzekutiv i fondit, për Reuters.
Çdo norvegjez ka të paktën 200 mijë dollarë në këtë fond, çka përbën një pasuri të madhe për brezat e ardhshëm të vendit skandinav.
Shumica e parave të këtij fondi investohen në tregjet ndërkombëtare financiare dhe vetëm një pjesë e tyre investohet brenda Norvegjisë. Të ardhurat që i vijnë shteti nordik nga nafta derdhen te ky fond. Kjo i shërben vendit që në të ardhmen të ruajë aftësinë për të paguar nëse nafta do të pakësohet, ose nëse bien çmimet. Por fondi shërben edhe si rezervë për brezat e ardhshëm.
/a.r
