Kur bie fjala që të shijojmë një copë çokollatë, asnjëri nuk e mendon thellësisht një gjë të tillë.
Pas një ditë të gjatë në punë, ju mund të vendosni që ta shpërbleni veten më një çokollatë, sepse ngase keni kryer punë të mirë dhe e keni merituar ose mendoni se ta ‘djersini’ më vonë në palestër.
Përderisa ne kemi dilema se cilën markë apo shije të çokollatës ta zgjedhim, e njëjta nuk vlen edhe për prodhuesit e lëndës së parë të kakaos, për afrikanët e Bregut të Fildishtë.
Aline Konan, që drejton biznesin e saj për më shumë se dhjetë vite, ka dëshmuar se çfarë në të vërtetë qëndron pas një qeseje të Kit Katit, shkruan Orainfo.
Fillimisht, pasi që i këpusin nga pemët, gratë afrikane teksa mbajnë fëmijët e tyre në shpinë dhe bartin kilogramë të tërë me frutin e kakaos, i vendosin ato në një tip tezge të improvizuar në fshat, dhe ky është hapi i parë për përfitimin e kakaos.
Pastaj, nxirret kokrrat e kakaos nga fermerët para fermentimit dhe vendosen në një ‘shtrat me gjethe të bananes” për tu tharë për disa javë.
“Kualiteti i kakaos është i rëndësishëm dhe biznesi i kakaos nuk është aq i lehtë sa mund të mendohet. Është e komplikuar të gjendet kokrrat e kakaos dhe duhet të kesh shumë durim dhe si të punosh fort për t’i qëruar ato, gjë që e bën çokollatën të mos jetë asnjëherë e nënvlerësuar”.
Shumica e këtyre personave kanë filluar të merren që fëmijë me këtë profesion, apo e kanë trashëguar nga familja. Përndryshe, Bregu i Fildishtë është vendi i tretë në botë për prodhimin e kakaos, nga edhe i kanë të ardhurat më së shumti. Mirëpo një problem konstant që e godet këtë ekonomi në zhvillim është keqtrajtimi i fëmijëve nëpër plantacionet e kakaos.
Më gjithë zhvillimin e ekonomisë afrikane, asnjëri nga këta njerëz nuk ka shijuar çokollatë ndonjëherë.
Më poshtë mund të shihni pronaren e plantacionit, Aline Konan e cila për herë të parë provon çokollatë. Ajo në frëngjisht thotë se ndihet era dhe shija e kakaos brenda. Gjithashtu, Konan shton që shija është shumë, shumë e mirë teksa lëpin gishtërinjtë.
