Milani nuk dëshiron ta humbasë Donnarumman me parametra zero andaj është duke pritur oferta për italianin gjatë kësaj vere.
Drejtori i Milanit, Marco Fassone, ka thënë se “ende nuk ka asgjë të re” për Gigio Donnarumma, derisa e ka paralajmëruar se nuk mund të presin edhe gjatë.
Donnarumma ka refuzuar kontratën me Milanin, e cila i skadon vitin e ardhshëm. Për të mos e humbur atë në vitin 2018 me parametra zero, Fassone ka dhënë sinjale se janë duke pritur oferta për 18 vjeçarin.
Real Madridi dhe Juventusi janë duke luftuar për t’i siguruar shërbimet e një ndër portierit më premtues në botë.
“Ende nuk ka asgjë të re për Donnarumman. Edhe më tej jemi duke pritur. Do të presim, por jo edhe për shumë kohë, këtë nuk mund ta bëjmë për shumë arsye.
Jemi duke punuar që të kompletojmë skuadrën për 3 korrik, kur të fillojë parasezoni”, ka deklaruar Fassone, sinjale këto se janë duke pritur oferta për italianin, përgatiti ”Express”. (b.an)
