A do t’i hiqen tre pikët Shqipërisë? Pas intervistës së Ballist Morinës ku tregoi për dronin, mediat serbe shkruajnë se fati I ndeshjes Serbi-Shqipëri nuk mund të mbyllet këtu.
Në fakt, UEFA mund ta apelojë vendimin, pasi i jepet e drejta për ta bërë një gjë të tillë në Gjykatën e Lartë Federale të Zvicrës.
Duke qenë se të paditur në KAS nga FSHF-ja ka qenë pikërisht UEFA, kjo e fundit mund të kërkojë që të ndryshojë sërish vendimi.
Por, Gjykata e Lartë Federale e Zvicrës nuk merret me rigjykim të çështjes në themel, por me aspektin procedurial të saj.
Edhe pretendimet e organit drejtues të futbollit në kontinent duhen të jenë për shkak të moszbatimit korrekt të procedurave gjatë gjykimit në Gjykatën e Arbitrazhit Sportiv. Gjithsesi, është për t’u theksuar se kjo tentativë që mund të ndërmerret nuk është shumë optimiste për UEFA-n.
