Shkencëtari James Clear ka treguar për natyrën e gjumit, duke ofruar rekomandime se sa shumë gjumë duhet të bëjmë në mënyrë që të kemi mjaftueshëm energji për t’u kënaqur me ditën para nesh.
Për sa shumë gjumë keni nevojë?
Për t’i dhënë përgjigjen kësaj pyetje, të marrim parasysh një eksperiment të kryer nga hulumtuesit e Universitetit të Pensilvanisë dhe Universitetit Shtetëror të Uashingtonit.
Hulumtuesit filluan eksperimentin e tyre duke mbledhur 48 burra dhe gra të shëndetshëm, të cilët flinin mesatarisht shtatë deri në tetë orë gjumë çdo natë, transmeton Gazeta Express.
Më pas, ata i ndanë në katër grupe. Grupi i parë duhej të qëndronte tri ditë pa fjetur. Grupi i dytë duhej të flinte katër orë çdo natë, grupi i tretë gjashtë orë çdo natë dhe grupi i katërt tetë orë.
Çfarë ndodhi?
Ata që kishin fjetur tetë orë nuk shfaqën ndonjë rënie të aftësisë njohëse, vëmendjes ose motorit të aftësisë gjatë 14 ditëve studim. Ndërkohë, grupet që morën katër orë dhe gjashtë orë gjumë, patën rënie të aftësisë njohëse.
Grupi që kishte bërë vetëm katër orë gjumë kalo më së keqi, por grupi me gjashtë orë gjumë nuk ishte se kishte dalë edhe aq mirë.
Në veçanti, u bënë dy gjetje të rëndësishme. Së pari, mungesa e gjumit është një problem kumulativ. Sipas fjalëve të studiuesve, mungesa e gjumit ka një kosto neurobiologjik i cili akumulohet me kalimin e kohës.
Pas një jave, 25% e grupit që bëri gjashtë orë gjumë i merrte gjumi gjatë ditës. Pas dy jave, grupi me gjashtë orë gjumë kishte një rënie të performancës, sikur të kishin qëndruar zgjuar dy ditë.
Pra, nëse bëni gjashtë orë gjumë dy javë rresht, performanca juaj mentale dhe fizike bie në nivelin e njëjtë sikur të kishit qëndruar zgjuar për 48 orë rresht.
Së dyti, pjesëmarrësit nuk e kishin hetuar rënien e performancës së tyre. Kur pjesëmarrësit vlerësuan veten, ata besuan se performanca e tyre kishte rënë për vetëm disa ditë, dhe ishte shfaqur përsëri. Në realitet, ata vazhdonin të bëheshin keq çdo ditë.
Me fjalë të tjera, mund të mendoni se ndjeheni mirë dhe performoni mirë edhe kur bëni pak orë gjumë, por kjo nuk është e vërtetë. Edhe nëse ndjeheni të lumtur me orët që kaloni në gjumë, prapë performanca juaj është e dobët.
Në mënyrë që të qëndroni mirë fizikisht dhe mentalisht, ju duhet të bëni më shumë se gjashtë orë gjumë – tetë respektivisht.
