Ju mund të flisni për orarin, organizimin, stadiumet, tifozët dhe gjëra të tjera që lidhen me futbollin, por kur fokusoheni në top, atëherë nuk ka asnjë dyshim se La Liga është dominuese në çdo garë të planetit. Për shumë debate që ekzistojnë se cila është liga më e mirë, statistikat janë të qarta dhe nuk gënjejnë. Futbolli spanjoll dominon të gjitha statistikat në vitet e fundit.
Jashtë kufijve të Spanjës, ekipet spanjolle nuk u japin asnjë rast kundërshtarëve, duke marrë të gjithë titujt me vete. Nuk ka rëndësi nëse po flisni për tituj kolektiv si Liga e Kampionëve, Europa League, Superkupa e Evropës, Kupa e Botës për Klube apo titujt individual si Topi i Artë dhe Këpuca e Artë, pasi shumicën prej tyre i kanë përfaqësuesit e skuadrave spanjolle.
Fillojmë me Ligën e Kampionëve, ku prej pesë viteve të fundit, katër herë e kanë fituar skuadrat spanjolle. Tre herë Real Madrid dhe një herë Barcelona. Skuadra katalunase e kishte fituar edhe në sezonin 2010/11.
Në Europa League, në gjashtë vitet e fundit, katër herë kanë triumfuar skuadrat spanjolle. Atletico Madridit 2011/12 dhe Sevillas 2013/14. 2014/15 dhe 2015/16 i kanë hyrë në mes vetëm Chelsea 2012/13 dhe Manchester United 2016/17.
Real Madrid, Barcelona dhe Atletico Madrid e kanë fituar Superkupën e Evropës në pesë vitet e fundit. Po ashtu nuk duhet të harroni se Real Madrid dhe Atletico Madrid dy herë brenda tre viteve luajtën kundër njëra tjetrës në finale të Championsit.Po ashtu edhe në aspektin individual, lojtarët e La Ligas dominojnë bindshëm.Cristiano Ronaldo i Real Madridit dhe Leo Messi i Barcelonës e kanë fituar Topin e Artë në nëntë vitet e fundit.
Këta dy lojtarë dominojnë edhe në garë për Këpucën e Artë, ku në mes u ka hyrë vetëm një herë Luis Suarez, i cili çmimin e ndau me Ronaldon, gjatë kohës që luante në Liverpool, përgatiti ”Express”. (b.an)
