Ja projekti i Kishës së re të Dhërmiut
Kishës së Dhërmiut do t’i rikthehet identiteti. Ashtu siç ishte lajmëruar më herët nga qeveria, u prezantua sot projekti i ndërtimit të Kishës së re të Dhërmiut.
Pas shembjes së shtesës së ndërtuar pa leje në Kishën e “Shën Thanasit”, ministri i Mirëqenies Sociale, Blendi Klosi, bashkë me kryebashkiakun e Himarës, Jorgo Goro, bënë sot prezantimin e projektit të ri për këtë kishë.
Gjatë prezantimit ministri Klosi sqaroi se, në dispozicion të ortodoksëve do të vendosen 2-3 vende për të ndërtuar objekte kulti. Kisha e re që do të ndërtohet mbi rrënojat e Kishës së “Shën Thanasit”.
“Në Dhërmi kemi vendosur të ndërtojmë edhe një objekt tjetër kulti”, deklaroi Klosi nga fshati i Himarës.
