Ibrahim Basha, efektivi i RENEA-s që mbeti i vrarë në Lazarat mëngjesin e sotëm duket të ketë qenë një besimtar mysliman. Kjo pasi mesazhi i fundit që Basha kishte postuar në Facebook ishte urimi për muajin e shenjtë të Ramazanit.
“Mirëmbrëma të gjithëve miq shoqëri dhe dashamirës, ju uroj Agjërim të lehtë dhe të mbarë Allahu ua lehtësoftë dhe ua pranoftë Agjërimin”, kishte shkruar më 18 qershor 31 vjeçari, i cili prej pak kohësh shërbente si pjesë e forcave RENEA, ndërkohë që më parë kishte qenë pjesë e forcave komando të ushtrisë.
Efektivi i RENEA-s u qëllua me plumb në kokë nga një prej banesave të fshatit Lazarat. Forcat e Ndërhyrjes së Shpejtë dhe RENEA ishin në aksion për kapjen e personave që qëlluan në mesnatë, në qendër të fshatit.
