Këtë vit festa për ditëlindjen e këngëtares Rezarta Shkurta, nuk ka kaluar në lumturi pranë të dahurit të saj të zemrës, siç ka ndodhur vitet e shkuara.
Bashkëshorti i saj Ermal Hoxha, nipi i diktatori Enver Hoxha, është prapa hekurave, i vënë nën akuzë për laboraorin e drogës në Xibrakë të Elbasanit.
Por pavarësisht se është në burg, Ermal Hoxha i ka dërguar një letër këngëtares të cilën Shkurta e ka postuar në Facebook.
Ja letra e urimit
“E dashur e shtrenjta Rezushi ime, Uroj që vitin tjetër 30vjetorin ta kalojmë së bashku, diku larg ne të dy… Sot në pamundësi për të të përqafuar e për të të patur pranë po të shkruaj një letër të dalë nga shpirti. Je gjëja më e shtrenjtë që kam dhe të dua shumë, je jeta ime e mungesa jote rëndohet ditaditës. Uroj që 100 vite t’i kalojmë së bashku të lumtur e të gëzuar pranë gocës sonë të mrekullueshme, je nëna më e mirë në botë dhe jam krenar për gjithçka ke bërë. Të dua shumë, Ermali…”
Kjo letër ka emocionuar shumë 29-vjeçaren, e cila në komentin shqoërues, ndarjen nga Ermali e ka cilësuar si ëndërr të keqe që shpejt do të harrohet.
“Sepse e di që një ditë do harrohet kjo ëndërr e keqe dhe në zgjim më pret ai. Ai që ka 10 vjet që më fal vetëm dashuri, vetëm lumturi, më fali një diamant të vogël me emrin Hera. Të gjithë një ditë do ikim nga kjo botë, e s’do marrim asgjë me vete. Po unë pata dhe kam fatin më të madh në botë, që kjo jetë më takoi me dashurinë e vërtetë. Me princin e ëndrrave të mia. Jam e përlotur tani por nga lumturia që të kam në jetën time”, shkruan këngëtarja në rrjetin social “Facebook”.
Rrezarta dhe Ermali në vitin 2013 u bënë prindër të fëmijës së tyre të parë, një gocë e quajtur Hera.
