Këtë herë firma e veshjeve Zara ia ka kaluar Microsoftit të Bill Gates. Me një pasuri prej 71.83 miliardë euro, themeluesi i markës spanjolle të veshjeve me çmime të ulëta, Amanico Ortega ia ka kaluar Bill Gates në listën e meshkujve më të pasur në botë, sipas klasifikimit të bërë nga Forbes.
Pasuria e Ortegas, sipas Forbes, është rritur me 5.3% (rreth 4 miliard dollarë) vetëm gjatë 24 orëve të fundit. Kjo edhe falë bashkëpunimit të Zarës me Inditex, shoqërinë mëmë të Zarës e cila përfshin edhe marka të tjera si Pull and Bear apo Bershka, për të cilat Ortega është themelues marke dhe president. Gjatë 10 viteve të fundit vlera e Inditex është rritur me 570%
Ka qenë një rekord i thyer pas shumë kohësh, prej kur Gates mbante kurorën e njeriut më të pasur. Historia e Ortegës është një histori vetë pasurimi. I lindur në Spanjë në vitin 1936, gjatë periudhës së luftës civile në këtë shtet, në një familje të varfër, që i vogël i është dashur të përballet me urinë dhe të lerë shkollën për të gjetur një pune.
Në moshën 14 vjeçare punonte në një fabrikë. Në moshën 40 vjeçare themeloi markën e veshjeve Zara, e cila nga Spanja u shpërnda në të gjithë botën.
