Bleona Qereti thotë se do që të bëhet miliardere dhe do që ketë një partner shumë të pasur në mënyrë që ta pranojë.
Vetëm para pak ditësh, këngëtarja u shfaq pranë Remo Ruffini, një prej personave më me emër në Itali. Por cili është emri i njohur i biznesit?
Sipas “Forbes”, Ruffini ka plot 2.3 bilionë dollarë të ardhura që janë gjithnjë e në rritje. Ai e nisi aktivitetin tregtar pasi mori një kompani thuajse të falimentuar, të quajtur Moncler.
E themeluar prej dy alpinistëve francezë në vitin 1952, Moncler pati sukses në prodhimin e xhaketave kryesisht për sportin e skive. Moncler madje ishte sponsor i ekipit francez në Olimpiadën Dimërore të vitit 1968 në Grenoble.
Rreth vitit 1999, Remo Ruffini u bë drejtor kreativ i kompanisë dhe disa vite më vonë ai arriti ta blinte markën në fjalë për një shumë të panjohur. Ai nuk ka mbaruar arsim të lartë, përveç një viti që ka bërë në Boston në degën e Marketingut.
Ruffini u kthye në Itali në vitin 1984 dhe themeloi markën “New England Company” të cilën ia shiti në vitin 2000 grupit Stefanel.
Në Moncler, Ruffini paraqiti ngjyra dhe dizajne të reja dhe u bashkua me Carlyle Group për t’u zgjeruar më pas në të gjithë botën.
Ruffini ende zotëron 20% dhe është CEO i kompanisë. Ai zotëron një jaht luksoz dhe një kështjellë të vogël në St. Moritz të Zvicrës. /JavaNews/b.d
