Ministri Arben Ahmetaj, i ftuar në emisionin #DritaremeRudinën, u pyet nga gazetarja Xhunga se kur do të fillojë vendosja e TVSH-së për biznesin e vogël. Ministri i Financave dhe Ekonomisë tha se ajo pritet të ndodhë në fillim të vitit 2018.
“Në variantin më të largët TVSH-ja e bizneseve të vogla do të nisë në 1 mars të 2018. Duam t’i japim pak kohë dhe një 3 muaj plus sipërmarrjeve të vogla, që të përgatiten. Por qëllimi ynë tani është që të fillojmë më 1 janar të 2018. Do të ketë një kategorizim, ose thënë ndryshe një mënyrë më të lehtësuar të deklarimit. Kjo kërkon gjithashtu edhe një adaptim të softit, të TVSH-së, që menaxhon deklarimin mujor të TVSH-së. Sipërmarrjes së vogël nuk do t’i rritet asnjë taksë, ajo do të vazhdojë të jetë 0. Në finale do të vazhdojë transaksioni i TVSH-së, i cili do të shtrihet, 20% është në kosto tashmë, e ai do të fillojë të deklarojë në mënyrë të rregullt TVSH-në.”
a.ç
