Në rubrikën “Komenti i Ditës”, ne Dritare.net gazetari Dritan Hila komentoi propozimin e kryeministrit Rama për amnistinë fiskale. U diskutua për të mirat dhe këqijat që vinin prej saj dhe pse e bënte Rama këtë propozim në këtë moment.
Ai tregoi disa nga mënyrat sesi kjo para mund të përdorej në të mirën e vendit dhe mendonte se me kontrollin e vazhdueshëm mund të shërbente edhe si një mjet për t’i dhënë hov turizmit dhe për të nxjerrë vendin nga kriza.
“Kjo puna e parajsës fiskale nuk po bëhet nga ne. Do ishte mirë të mos e bënim? Ndoshta! Paratë e krimit të organizuar nuk duhen futur në vend dhe nuk duhen pastruar, sidomos ata qëjanë marrë me trafik qëniesh njerëzore. Nuk po flas për skafistët, por për tutorët e femrave, të cilët në asnjë mënyrë nuk duhet të legalizohen. Por kemi raste të bizneseve që i janë shmangur taksave apo rastin e emigrantëve. Kur mendon për emigrantët mendon që pse të mos e bëjmë dhe në amnistinë fiskale. Bota e ka bërë. Në këtë situatë krize, ku Shqipëria përveç krizës ekonomike shoqërohet nga plakja e popullsisë dhe mungesën e një strategjie se cili do të jetë zhvillimi i vendit. Në vitet e fundit, me bërjen e rrugëve, po bëhet e qartë se synimi do jetë turizmi. Por kjo nuk mjafton. Turizmi ka nevojë për para dhe për hotele. Hiq Durrësin, Sandën apo Velipojën, ne kemi një vijë bregdetare të paprekur.
Pse të mos bëhet kjo amnisti fiksale, që ky lekë që është në qarkullim të futet në sistem. Unë mendoj që kjo është një rrugë që do na ndihmojë edhe me krizën e plakjes së popullsisë, pensionet dhe më nje shëndetësi që bëhet edhe më e kushtueshme. Pyetja është si administrohet amnistia fiskale. Nëse do e orientojmë për të bërë pallatë të tjera në Tiranë po për të blerë apartamente të tjera në Tirane, më mirë të mos e bëjmë fare. Por nëse do e përdorim që të zhvillohet bregdeti shqiptar dhe turizmi, të ngrihen ca fabrika të industrisë së lehtë në zona të thella kur s’kanë ku e çojnë prodhimin, atëherë mendoj që ja vlen”, tha Hila/
Ja ku pastrohet paraja e Evropës!
Në rubrikën “Komenti i Ditës”, gazetari Dritan Hila komentoi propozimin e kryeministrit Rama për amnistinë fiskale. U diskutua për të mirat dhe këqijat që vinin prej saj dhe se si vendet e BE kishin pastruar paratë e tyre dhe vazhdonin t’i pastronin.
Ai përmendi disa shtete brenda BE dhe mekanizmat që ata përdornin për të pastruar paranë dhe për ta bërë të ligjshme.
“Ka vende si Liechtenstein, Andora apo San Marino që kanë një standart të lartë, deri diku të frikshëm. Standarti barazohet me vendet e Gjirit me vende si Kuvajti dhe Emiratet e Bashkuara. Këto vende kaq të vogla si e kanë arritur standartin e tyre? Këto vende janë parajsa fiskale. Në Andorra mund të shkosh në avokatë, të cilët janë si kërpudhat pas shiut dhe me një dokument mund të hapësh një firmë dhe të depozitosh para.
Marrin diku tek 20% të shumës dhe këto para bëhen të pastra menjëherë. Bankat spanjolle kanë një ditë të caktuar të vitit ku ti mund te depozitosh para në një shumë të caktuar. Nuk pastrohen vetëm paratë e krimit. Kush merret me biznes e di që s’mund të jesh 100% i rregullt me shtetin sepse procedurat janë të tilla dhe shmangesh. Delaware në mes të SHBA, Ishujt Kajman, Hong Kongu apo nje shtet që shpesh përmendet për mungesën e korrupsionit dhe standartin e lartë të jetesës, Singapori. Singapori s’të merr lekë për një certifikatë, por të depoziton miliona euro apo dollarë, në mënyrë që ti t’i pastrosh”, tha ai
Pse kundërshtimi i amnistisë fiskale nga BE, është një hipokrizi!
Në rubrikën “Komenti i Ditës”, gazetari Dritan Hila komentoi propozimin e kryeministrit Rama për amnistinë fiskale. U diskutua për të mirat dhe këqijat që vinin prej saj dhe pse e bënte Rama këtë propozim në këtë moment.
Zoti Hila tha se Evropa nuk mund të jetë kundër amnistisë fiskale kur ka brenda vetes vende si Rumania apo Bullgaria të cilat nuk kanë hedhur asnjë hap zhvillimi. Ai tha gjithashtu se amnistia fiskale është përdorur nga vetë vende të BE, ndaj nuk mund të kritikonin Shqipërinë.
“Amnistia fiskale nuk është një temë e re. E ka prezantuar Berisha, më pas Nano dhe tani Rama, i cili duket se e ka seriozisht për vendosjen e saj. Por kjo na lë me disa pyetje. Pyetja e parë lidhet me anën morale të amnistisë fiskale. Me të drejtë, shumë persona që kanë qenë punëtorë të rregullt dhe kanë paguar taksat ndërshmërisht nuk janë dakord sepse thonë që s’kanë asnjë favor, përkundrazi kontrollohen gjithë kohës nga tatimet. Ndërkohë dikush që iu është shmangur këtyre, një ditë të bukur falet nga shteti. Paguajnë atë 5-10% që ka thënë Rama dhe këto bëhen para të pastra.
Kjo bën që shumë veta të rreshtohen kundër aministisë fiskale. Jetojmë në një botë ku e drejta dhe morali nuk shkojnë në të njëjtën vijë paralele me jetën e përditshme. Unë në mënyrë ligjore nuk e marr dot këtë para, por e merr dikush që i shamnget tatimit të shtetit. Këtë rast bota e ka zgjidhur me mekanizma të ndryshëm. Pavarësisht se Evropa na bën moral për të mos e njohur, ndërkohë nuk na fut në BE, gjë që do lehtësonte shumë probleme ekonomike që në kemi. Sidomos kur e krahason veten me vende si Rumania apo Bullgaria që lënë për të dëshiruar mbas dekadash në BE. Edhe vetë Perëndimi ka mekanzimat e veta që fut në qarkullim këtë para”, tha Hila./m.j
