Aktorja e njohur Halle Berry është parë të mërkurën, duke bërë shoping dhe duke vizituar një ekspozitë të kristaleve ekzotike në Melrose Avenue, Los Angeles. Aktorja ka dalë për një shëtitje të vogël me një dukje shumë modeste, me stil të flokëve të cilin e ka rregulluar vet, duke kombinuar xhinse të gjera me një bluzë të zezë të gjerë dhe me një triko ngjyrë gri po ashtu të gjerë. Ajo mbante edhe një çantë të madhe të zezë dhe ecte rrugës duke përdorur gjatë tërë kohës celularin e saj, transmeton Koha.net. Aktorja 49 vjeçare ka dalë pa fëmijët e saj, vajzën Nahla, 7 vjeçare, babai i së cilës është modelisti Gabriel Aubry, dhe djalin e saj Maceo, dy vjeç, babai i të cilit është burri i saj i tanishëm, aktori Olivier Martinez.
