Shqipëria do të jetë nën pushtetin e të ftohtit dhe temperaturave nën zero deri të enjten kur pritet përmirësim i lehtë. Meteorologu Metodi Marku shpjegon se tenperaturat do të pësojnë rënie deri në 4 gradë Celsius.
Moti i ftohtë me borë, meteorologët: Të enjten do ketë rritje të lehtë të temperaturave
Moti i ftohtë dhe me reshje dëborë në zonat e thella malore, do të zgjasë deri të entjen, kur pritet që të ketë një rritje të lehtë të temperaturave, të cilat do ta shoqërojnë vendin deri në fundjavë.
Kështu shprehen meteorologët, të cilët thonë se edhe dita e martë dhe e mërkurë do të shoqërohen nga temperatura të ulëta, të cilat do të kenë rënie me 4 gradë celcius.
Metodi Marku, ekspert i IGJEUM: Sot, nesër dhe pasnesër ne do të jemi në ndikimin e pjesës së pasme të frontit të ftohtë, pra masës së ajrit e cila duke qenë tepër e ftohtë me origjinë nga gjerësitë gjeografike shumë të larta, do të bëjë që ne të përjetojmë temperatura akoma më të ulëta se dita e sotme. Mëngjesi i së martës do të jetë me temperatura më të ulëta, deri në 4 gradë, dhe e mërkura do të sjellë një tjetër rënie me 2 gradë të tjera. Dita e enjte deri në fund të javës do të ketë trend rritje graduale të temperaturave. Nga e mërkura dhe më tutje nuk priten reshje, por temperaturat do të jenë të ulëta.
Sipas Markut, e hëna ka shënuar rënie të thekuar temperaturash, ku në vendet malore ato kanë arritur deri në minus 8 gradë, në vendet e ulëta minus 4 gradë ndërsa në bregdet temperaturat kanë rënë deri në minus 2 gradë.
Në zonat malore reshjet kanë qenë në formë dëbore mbi lartësinë 400 metra./channel one
