Maturantët që rezultuan mbetës në provimet e Maturës Shtetërore, do të kenë mundësi të japin sërisht provimet e tyre në sesionin e dytë , që do të nisë datën 1 të muajit Gusht, me provimin e gjuhës së huaj.
Sipas udhëzimit të publikuar nga Ministria e Arsimit, për sesionin e dytë të provimeve, provimi i gjuhës shqipe dhe letërsisë do të zhvillohet në datën 3 gusht, lënda e matematikës do të zhvillohet në 7 gusht ndërsa lëndët me zgjedhje në 11 gusht.
Gjithashtu, në provime do të marin pjesë edhe kandidatët të cilët e kanë përfunduar shkollën e mesme para 2015 por që nuk kanë shlyer detyrimet e maturës shtetërore djhe nuk kanë plotësuar formularin A1Z. Provimet do të zhvillohen në drejtoritë rajonale arsimore me përjashtim të ZA Tropojë dhe ZA Sarandë që do i zhvillojnë provimet në qytetet e tyre.
Sipas udhëzimit edhe mbetësit e provimeve të arsimit bazë do ti zhvillojnë provimet përkatësisht në datat: Gjuhë e huaj 27.08.2015, Gjuhë shqipe 29.08.2015 dhe në Matematikë 31.08.2015.
