Një studim i ri ka ofruar një teori të re mbi atë se si dinozaurët u zhdukën nga Toka rreth 66 milionë vjet më parë.
Një studim i publikuar në gazetën “Scientific Reports” ka forcuar edhe më shumë teorinë se një asteroid i madh që goditi Tokën zhduki dinozaurët, raporton The Independent.
Hulumtuesit – nga Instituti për Hulumtime Meteorologjike në Japoni dhe Universiteti Tohuku, tani besojnë se një asteroid i madh që ra në Yucatan Peninsula në Meksikë, lëshoi një tym të zi në atmosferë, duke gllabëruar tërë planetin, transmeton Gazeta Express.
Sasia e dritës së diellit ra për 85%, duke bërë që Toka të ftohej për më shumë se 16 gradë C për rreth tri vite.
Gjithashtu, reshjet e shiut ranë për 80%, duke shkaktuar thatësirë ekstreme. “Gjitarët e vegjël dhe zvarranikët jetonin ku ishte më ngrohtë, dinozaurët jo. Këto habitate të ndryshme kanë mundur të jenë faktorë kyç të ekzistencës ose mbijetesës së tyre”, shkruan hulumtuesit.
Ekspertët edhe më parë kishin qenë kureshtarë të dinin pse dinozaurët ngordhën përderisa paraardhësit e tyre, krokodilët, shpëtuan. Mendohet se vetëm 12% e krijesave në tokë jetuan pas goditjes së asteroidit, përderisa 90% e specieve të ujit ia dolën të mbijetojnë.
