Për Brad Pitt dhe Rihanna-n, eliksiri i bukurisë së përjetshme është një injeksion me vitamina. Por në Los-Anxhelos, kryeqytetin “e magjisë”, përdoren lloj-lloj recetash për “të fshirë” shenjat e plakjes. Në vazhdim do të paraqesim se si kujdesen për pamjen disa nga yjet e njohura, transmeton Zeri.
Jennifer Aniston u beson rezultateve të masazheve të fytyrës. “Është njësoj sikur të shkosh në palestër. Përdoren edhe shkarkesat e vogla elektrike për të nxitur dhe tonifikuar muskujt.
Këtë e shfrytëzon Jennifer Aniston”, thanë ekspertët e kësaj fushe. Ata bënë të ditur se për të qenë të bukur fizikisht, në fillim është e nevojshme që të keni një mirëqenie të brendshme. Zgjidhja e injeksionit të vitaminave është më e pëlqyera momentalisht.
Simon Cowell, Madonna dhe Katy Perry shpeshherë janë deklaruar adhurues të vitaminës B12, e njohur ndryshe edhe si “vitamina energjike”, thelbësore për një jetë të gjatë. Sikur kjo të mos mjaftonte, vitaminat mund të injektohen edhe nëpërmjet një flebotomi (vegël për të marrë gjak), siç bëhet në një qendër në “Beverly Hills”.
Bëhet fjalë për një koktej magnezi, kalciumi, vitamine B dhe C, duke i shtuar një antioksidant (glutathione) për shëndetin e lëkurës.
Para pak kohësh, Rihanna postoi në rrjetin social “Twitter” një fotografi ku i nënshtrohej trajtimit me vitamina, ndërsa Brad Pitt e ka cilësuar veten si një njeri i devotshëm të kësaj metode. Por, bëni kujdes sepse edhe kjo mënyrë ka disavantazhet e saj. Ja si janë shprehur dermatologët e njohur amerikanë në lidhje me këtë metodë.
“Kurat e këtilla nuk kanë asnjë lloj dëshmie shkencore. Edhe pse premtojnë pastrimin e lëkurës dhe një pamje të rinuar, metodat e propozuara nga ekspertët e bukurisë kanë lindur për qëllime dhe aplikime të ndryshme mjekësore.
E ndërsa vitamina B12 njihet si kurë për aneminë, antioksidanti i preferuar është përdorur për një kohë të gjatë në neurologji për të luftuar efektet e sëmundjeve të Parkinsonit dhe Alzheimerit”, thanë ata, citohet “Zeri”. (b.an)
