Ja 8 përbërësit e cigares që dëmtojnë rëndë shëndetin

Nuk është sekret se pirja e duhanit dëmton shëndetin tonë. Përdorues të shumtë të duhanit provojnë metoda të shumta për lënien e tij, por këto fakte rreth cigares do të ju bëjnë ta lini menjëherë atë.

Shumë prej nesh nuk kanë asnjë ide se çfarë në të vërtetë përmban një cigare. Ne e dimë se cigaret janë të këqija, dhe ne e dimë që ato përmbajnë duhan, por nuk e kemi ditur se në cigare gjenden rreth 4.000 kimikate dhe rreth 50 nga të cilat janë provuar të jenë kancerogjene, transmeton Gazeta Express.

Sigurisht se nuk e keni ditur se cigaret janë shitur një herë si të shëndetshme dhe janë rekomanduar nga mjekët, pra janë cilësuar si një mjet për të ndihmuar njerëzit të relaksohen. Por kaluan shumë vite dhe u bënë shumë padi për të provuar se duhani ishte duke i bërë shumë dëm shëndetit të njerëzve. Që nga futja e tyre në treg, ata kanë qenë një katalizator për sëmundje të shumta dhe një kontribues i madh për miliona të vdekur në mbarë botën.

Përderisa ju e pini cigaren dhe e rrokullisni nëpër gishta, është mirë të dini se çka në të vërtetë përmban ajo.

Kimikatet e mëposhtme janë gjetur brenda cigares:

Benzoli, ky kimikat i njohur përdoret si një tretës për karburant dhe mund të gjenden në çimento gome.

Lëng balsami, ky lloj balsami është i njohur që të shkaktojë probleme të frymëmarrjes, kancerin e  lëkurës dhe dhimbje të stomakut. Ky kimikat është gjetur brenda tymit të cigares.

Amoniak, ky kimikat gjendet dhe përdoret zakonisht për pastrimin e wc’së dhe zbardhjen e ndotjeve të ndryshme

Aceton, është kinikat djegës dhe përdoret për manikyrin e thonjve

Katran, rreth 70% e cigares përmban këtë kimikat. Ai kontribuon në sëmundje të shumta të mushkërive, të tilla si emfizema, bronkiti kronik, dhe kancer të mushkërive.

Nikotina, është një nga substancat më problematike të njohura për njerëzit. Ky “helm” shkakton varësisë ndaj cigares.

Oksid karboni, gazi kryesor i prodhuar nga një cigare e ndezur.

Të tjera: Kimikate të tjera që gjenden në cigare përfshijnë: arsenik, butan, acid sulfurik etj./GazetaExpress