Nesër luhet sfida Shqipëri-Francë, në kuadër të turit të dytë të grupit A. Ndeshja do të luhet në “Velodrom” të Marsejës dhe kuqezinjtë do të luajnë pa mbrojtësin dhe kapitenin, Lorik Cana.
Lidhur me formacionin që mund të zbresë në fushë, duket se më i sigurti është Ertrit Berisha. Krahët e mbrojtjes i besohen sërish dyshes Hysaj-Agolli, ndërsa krah Mavrajt në qendër u vendos Arlind Ajeti.
Sulmi pritet t’i besohet sërish Sadikut, ndërsa në mesfushë do të ketë dy lëvizje në krahasim me ndeshjen me Zvicrën.
Treshja e qendrës do të përbëhet nga Kukeli-Abrashi-Memushaj, me vlonjatin që zë vendin e Xhakës, ndërsa nga krahët do të luajnë Lenjani e Lila, me këtë të fundit që zë vendin e Roshit, transmeton Sportal.al.
Me shumë mundësi ky do të jetë formacioni që do të zbresë në fushë ndaj Francës, por sigurisht që këtë e ka në dorë trajneri De Biazi i cili do të udhëheqë ekipin edhe në një tjetër seancë për të vendosur përfundimisht për formacionin. Formacioni i mundshëm: Berisha, Hysaj, Mavraj, Ajeti, Agolli, Lila, Abrashi, Kukeli, Memushaj. Lenjani, Sadiku. (java / r.a)
