Një kryebashkiak izraelit u vra në sulmet e lëvizjes islamike palestineze, Hamas të shtunën, raportoi Times of Israel.
Kryetari i bashkisë u vra kur shkoi për të mbrojtur një qytet gjatë një “sulmi terrorist”, tha zyra e kryetarit.
Zhvillimi erdhi pasi persona të armatosur nga Palestina kaluan kufirin pasi më parë ishin lëshuar një breshëri të madhe raketash nga Rripi i Gazës.
Ushtria izraelite tha se “një numër terroristësh janë infiltruar në territorin izraelit”.
Ushtria izraelite tha se ishte në gadishmëri lufte ndërsa kryeministri Benjamin Netanyahu thirri një takim urgjent të zyrtarëve të sigurisë.
Qytetet në jug të Izraelit po dëshmojnë përleshje me armë midis bandave të luftëtarëve palestinezë dhe forcave të sigurisë, raportoi agjencia e lajmeve Reuters.
Komandanti ushtarak i Hamasit, Mohammad Deif, njoftoi fillimin e operacionit në një transmetim në mediat e Hamasit, duke u bërë thirrje palestinezëve kudo që janë të luftojnë.
“Kjo është dita e betejës më të madhe për t’i dhënë fund pushtimit” tha ai, duke shtuar se ishin lëshuar 5000 raketa.
/f.s
