Ushtria izraelite njoftoi në orët e para të mëngjesit se kishte përdorur, për herë të parë, sistemin e ri të mbrojtjes ajrore “C-Dome”. Versioni detar i mburojës antiraketore “Iron Dome”, u vu në punë për të goditur një objekt ajror “të dyshimtë” që kishte shkelur hapësirën ajrore.
Të hënën mbrëma, ushtria izraelite foli për një alarm në sektorin e Eilat, një qytet në skajin jugor, i cili kishte qenë në shkurt objektivi i raketave balistike të rebelëve jemenas Houthi, aleatët e lëvizjes islamike palestineze Hamas.
“Pasi u dëgjuan sirenat në rajonin Eilat për shkak të ndërhyrjes së një sistemi ajror armik, forcat detare zbuluan një objektiv të dyshimtë ajror që kalonte mbi territorin izraelit. Objektivi u kap me sukses nga sistemi i mbrojtjes detare C-Dome”, tha IDF.
E pyetur për këtë nga AFP, ushtria izraelite nuk specifikoi nëse sistemi ajror “i dyshimtë” ishte një dron apo një raketë, megjithatë konfirmoi se ishte “përdorimi i parë operacional i C-Dome”.
Ky sistem i mbrojtjes raketore është versioni detar i sistemit Iron Dome, i cili është përdorur për më shumë se një dekadë veçanërisht për të kapur raketat e Hamasit dhe Xhihadit Islamik Palestinez të lëshuara nga Rripi i Gazës.
C-Dome është instaluar në korvetat izraelite të klasit Saar-6, të ndërtuara në Gjermani dhe tashmë u testua plotësisht. Ushtria izraelite ka investuar në këtë teknologji vitet e fundit për të mbrojtur veçanërisht fushat e mëdha të gazit në Mesdhe.
Izraeli vitet e fundit ka filluar të shfrytëzojë fushat në det të hapur Tamar dhe Leviathan me shpresën për të fituar pavarësinë e energjisë dhe fillimin e eksporteve të gazit në Lindjen e Mesme dhe Evropë.
/a.r
⚡ Israel deploys C-Dome defence system for first time
It was against a “suspicious” target that entered the country’s airspace near the southern city of Eilat
C-Dome is a naval version of the Iron Dome air defence system used to shield against rocket and missile attacks. pic.twitter.com/EAt33fluQp
— The Macro Story (@themacrostory) April 9, 2024
