Izraeli nisi sulme të reja ajrore në Bejrutin jugor të enjten, duke synuar selinë e inteligjencës së Hezbollahut. Sulmi i fundit vjen pas një sulmi të mëhershëm të enjten në qendër të Bejrutit, ku vrau të paktën nëntë persona. Kjo është hera e parë që Izraeli ka goditur zonën që nga viti 2006, raporton JavaNews.
Ndërkohë, Izraeli lëshoi urdhra evakuimi për fshatra të tjerë në Libanin jugor, duke sinjalizuar një zgjerim të inkursionit të tij tokësor në vend, duke përfshirë qytetin e madh Nabatieh.
“Për sigurinë tuaj dhe të fëmijëve tuaj, mos kthehuni në shtëpi deri në një njoftim të dytë”, thuhet në një mesazh Telegram nga ushtria.
Rreth 250 amerikanë dhe anëtarët e familjeve të tyre janë nisur tani nga Libani me dy fluturime të organizuara nga SHBA këtë javë, tha të enjten zëdhënësi i Departamentit të Shtetit, Matthew Miller, raporton JavaNews.
Më shumë se 1000 njerëz në Liban janë vrarë dhe rreth 1 milion banorë janë zhvendosur që kur Izraeli përshkallëzoi luftën e tij me Hezbollahun.
Ministri i Jashtëm i Libanit, deklaroi për CNN se lideri i Hezbollahut, Hassan Nasrallah kishte rënë dakord për një armëpushim 21-ditor, vetëm disa ditë para vrasjes së tij nga Izraeli.
Ndërkohë, kabineti i luftës i Izraelit po peshon përgjigjen e tij ndaj sulmit raketor të kësaj jave nga Irani, ndqërkohë që ambasadori i Izraelit në OKB, deklaroi për CNN se hakmarrja “do të jetë së shpejti”. Komentet e tij erdhën pasi presidenti i SHBA Joe Biden tha se ai nuk e mbështet një sulm të mundshëm izraelit në qendrat bërthamore iraniane, por la dyert e hapura për Izraelin për të goditur rezervat e naftës të Iranit.
Organizata Botërore e Shëndetësisë tha se 28 punonjës shëndetësorë në Liban janë vrarë në 24 orët e fundit
Izraeli filloi një pushtim tokësor të jugut këtë javë. Zyrtarët libanezë thonë se 1,974 njerëz, përfshirë 127 fëmijë, janë vrarë në sulmet izraelite.
/a.r
