Ish-Presidenti i vendit Ilir Meta ka kërkuar në Gjykatën e Lartë ndryshimin e masës së sigurisë “arrest me burg”.
Pritet të shohim se çfarë vendimi do marrin 3 gjyqtarët që do shqyrtojnë këtë rekurs. Siç raporton gazetarja e Klan News Glidona Daci, Meta përmes avokatit të tij Genc Gjokutaj ka kërkuar zbutje të masës së sigurisë, duke qenë se para janë zgjedhjet parlamentare.
Izolimi në qeli sipas Presidentit të Partisë së Lirisë, i pengon karrierën politike dhe zhvillimin e fushatës zgjedhore. Kujtojmë se Meta u vu në pranga me urdhër të SPAK më 21 Tetor 2024. Ai akuzohet për 3 vepra penale, “Korrupsion pasiv”, “pastrim parash” dhe “fshehje pasurie”.
Kujtojmë se gjyqtarja Flojera Davidhi i hoqi Sali Berishës arrestin shtëpiak pikërisht me argumentimin se është drejtues i PD dhe ndodhet para zgjedhjeve…
