Duke filluar nga dita e sotme, Greqia nuk do të ketë më izolim total. Mediat në shtetin helen raportojnë se nga e premtja do të hiqen kufizimet për udhëtimet ndër-rajonale dhe turizmin.
Ora policore do të nisë pas orës 00:30, ndërsa dyqanet do të rihapen duke zbatuar një protokoll strikt duke ruajtur distancën mes klientëve.
Po ashtu do të rihapen edhe muzetë dhe kazinotë. Me nisjen e sezonit turistik përcaktohen edhe disa nga rregullat për turistë të huaj.
Gjithashtu për herë të parë nga nëntori do të jemi në gjendje të udhëtojmë përsëri në ishujt tanë ose në provincë.
Sigurisht që nuk duhet të harrojmë masat që ekzistojnë për të qenë të sigurt në udhëtimet tona, por edhe masat individuale të vetëmbrojtjes në mënyrë që e gjithë përpjekja që kemi ndërtuar në 7 muajt e fundit të mos shkojë dëm.
Të gjithë udhëtarët vendas dhe të huaj që duan të vizitojnë ishujt duhet të jenë të paraqitur me certifikatë vaksinimi.
Turistët duhet të paraqesin test PCR ose një vërtetim që e kanë kaluar COVID nga 2 deri në 9 muaj më parë.
Përgjatë muajit qershor qytetarët mund të zhvillojnë edhe dasma apo ceremoni të tjera në ambientet e jashtme.
Autoritetet greke kanë bërë të ditur se brenda 10 ditësh do të jenë vaksinuar gjithë banorët në 19 ishuj të tjerë, destinacione kyçe turistike. Hapen dhe kufijtë tokësorë me vendet e BE. Akoma në pritje vendimi për udhëtarët nga Shqipëria e pikat tokësore kufitare Kapshticë e Kakavijë.
Ministria e Shëndetësisë ka bërë të ditur se deri në fund të qershorit në Greqi do jenë vaksinuar 4.5 milionë banorë, thuajse gjysma e popullsisë së vendit e vaksinimi do të vijojnë me ritme të shpejta.
g.kosovari
