Hapet gara për të fituar një nga tri vendet vakante në Institutin e Zhvillimit të Arsimit.
Personat e interesuar për të kontribuar në hartimin e politikave të arsimit apo në drejtorinë e kurrikulës, standardeve e kualifikimit të mësuesve kanë një javë afat për të dorëzuar dokumentet pranë kësaj drejtorie.
Kandidatët duhet të kenë përfunduar studimet e larta bashkë me masterin në Fakultetin Histori-Filologji, te Gjuhët e Huaja apo Universitetin e Sporteve.
Në faqen zyrtare të IZHA-së janë të përshkruara detajet e pozicionit për të tria vendet e punës, po ashtu edhe dokumentet që duhet të disponojnë aplikuesit për punë.
Theksohet se aplikimi dhe dorëzimi i dosjes do të kryhet online në faqen zyrtare të Departamentit të Administratës Publike, duke nisur me procedurën e regjistrimit të aplikantit dhe në vijimësi sipas udhëzimeve.
Pas aplikimit online, dokumentet bashkë me një kërkesë ku të interesuarit specifikojnë pozicionin ku dëshirojnë të konkurrojnë duhet të dorëzohet edhe pranë institucionit të IZHA-s.
